कांदाभजी, कांद्याची भजी, पकोडे Onion Pakode, Pyaaj Pakode, Kandabhaji

Kanda bhaji Kandabhaji, Onion bhaji, Pyaaj ke pakode pakora recipe in marathi

कांद्याची भजी, चहा आणि पावसाळा !! Do you really need any more explanation?? 😊 ही भजी दोन पद्धतींनी केली जातात - उभी चिरून व गोल काप करून.
खाली लिहिलेली कृती नेहमीची, पाणी न वापरता केलेली आहे.
या शिवाय दुसरी पद्धत कांदा आणि इतर भाज्यांसाठी जवळपास सारखीच आहे.

साहित्य:

४ मध्यम कांदे
बेसन, तेल
तिखट, मीठ, हिंग, हळद, धणेजिरे पावडर,
ओवा, बारीक चिरलेली कोथिंबीर

कृती:

• कांद्याची टोके कापून उभा पातळ चिरावा. सगळे कांदे चिरल्यावर हाताने मोकळा करावा.
• त्यात तिखट, मीठ, हिंग, हळद, धणेजिरे पावडर, ओवा, बारीक चिरलेली कोथिंबीर घालून एकत्र करावे.
• दहा मिनिटे तसेच ठेवल्यानंतर त्याला कांद्याला पाणी सुटते, या सुटलेल्या पाण्यात बसेल इतकेच बेसन त्यात हळू हळू घालत हाताने कालवीत राहावे.
• यावर कडकडीत तेलाचे २ चमचे  परत कालवून घ्यावे.
• हातानी थोडे थोडे मिश्रण उचलून कोणताही आकार न देता तेलात तळावे. कांदा उभा चिरलेला असल्यानी भज्यांना टोके येतात.

Kandabhaji Onion Pakode

ही भजी कधी कधी कढीत घालून कढी-पकोडे बनवता येतात.
कांदाभज्यांसोबत फोडणीची ओली मिरची द्यावी.