उकडलेल्या बटाट्याची भाजी प्रकार १, Potato Sabzi Type 1 ~ चविष्ट

Tags: Boiled potato vegetable aloo sabzi batata bhaji recipe in marathi aalo ki sabji, आलू सब्जी

ही भाजी २ प्रकारे बनवता येते. खालील प्रकार हा सर्वात सोपा, रुटीन प्रकार आहे. प्रकार २ थोडा वेगळा आहे.

साहित्य:

४ मध्यम बटाटे

२ मध्यम कांदे
आलं, ५-६ लसूण पाकळ्या, हिरव्या मिरच्या, कढीपत्ता, लिंबू, कोथिंबीर

बटाट्याची भाजी कृती:

बटाटे धुवून कूकरमध्ये उकडावेत. पूर्ण उकडावेत.
कांदा बारीक चिरावा.
एका कढईत तेल गरम करण्यास ठेवावे. तेल कंजुषपणे घेऊ नये.
तेल गरम होईस्तोवर साले काढावीत.
गरम तेलात मोहरी तडतडली की मिरच्या, कढीपत्ता, आलं, लसूण घालावा. जरा परतल्यावर कांदा घालावा.
कांदा हलका गुलाबी होईस्तोवर बटाटे हाताने कुस्करावेत. चिरू नये, मॅश केलेले चांगले लागतात.
त्या बटाट्यावर मीठ, चिमूटभर साखर, चिरलेली कोथिंबीर, धणेजिरे पावडर, किंचित हिंग, चमचाभर हळद आणि अर्ध्या लिंबाचा रस घालून मिश्रण हातानी कालवावे. Available असल्यास फोडणीत मटार घालावी.

हे मिश्रण कढईत घालून व्यवस्थित ढवळावे.
१५ मिनिटात बटाटे शिजतात. आणि भाजी अगदी २ मिनिटांत होते. प्रवासाला नेण्यास उपयुक्त आहे.
ह्या भाजीचा वापर करून बटाटेवडे, टोस्ट सँडविच, व्हेज ब्रेड पकोडे, ब्रेड पोटली, आलू पराठा असे पदार्थ बनवता येतात. पोळी, पुरी सोबत ही भाजी छान लागते.

ही भाजी अजून जरा वेगळी बनवता येते, थोडी रंगीत आणि थोडी जास्त पौष्टिक. रेसिपी इथे दिलेली आहे -
उकडलेल्या बटाट्याची भाजी प्रकार २, Potato Sabzi Type 2
उकडलेले बटाटे फ्रिजमध्ये टिकतात. आयत्या वेळेला ग्रेव्ही दाट करण्यासाठी, भाजी किंवा वडे करण्यासाठी पटकन कामी येतात.

चविष्ट