आल्याच्या वड्या Ginger Vadi

Ginger vadi aalyachi vadi recipe in marathi

३० मिनिटे 

साहित्य:

चांगलं आलं - पाव किलो 
साखर - अर्धा किलो 

दुधाची जाड साय - अर्धा कप 
बदाम, थोडे तूप, जराशी (४ चमचे) पिठीसाखर

कृती:

आले धुवून कोरड्या कपड्याने नीट पुसून स्वच्छ करावे. 
चमच्याने किंवा चाकूनी कोरड्या झालेल्या आल्याची सालं काढावीत. 
आल्याच्या बारीक चकत्या कराव्यात. आलं किसू नये व थेट ग्राईंडसुद्धा करू नये. 
चकत्या केल्यानी आल्याचे धागे कापले जातात व खाताना तोंडात येत नाहीत. 
ग्राइंडरमध्ये आल्याच्या चकत्या व मूठभर साखर घालून पूर्ण वाटून घ्यावे. 
जाड baseच्या पातेल्यात हा आल्याचा गोळा, उरलेली साखर आणि दुधाची जाड साय घालून ढवळावे. 
मंद गॅसवर ढवळत राहून साधारण अर्ध्या तासाने मिश्रण चिकट व एकजीव होत येईल. 
घट्ट झाले कि खाली काढून त्यात पिठीसाखर व बदामाचे काप घालावेत. 
तूप लावलेल्या थाळीत ओतून थापावे. थंड झाले कि वड्या पाडाव्यात. 
थंडीच्या दिवसात या अतिशय उबदार आहेत. अपचन, अजीर्ण झाल्यास औषधी आहेत.