काळा मसाला, गोडा मसाला, Kala Masala, Goda Masala ~ चविष्ट

Tags: marathi Kala masala goda masala maharashtrian spices everyday sabzi masala recipe,काळा मसाला, गोडा मसाला

English version available at Maharastrian Kala Masala in English

काळ्या मसाल्याचे साहित्य:

तीळ - अर्धी वाटी
खोबरं (सुकं) - अर्धी वाटी
धणे - ३ वाट्या

जिरे - अर्धा वाटी
शहाजिरे - १ मोठा चमचा
दगडफूल - १ मूठ
दालचिनी - ५-६ काड्या
लवंग - १ मोठा चमचा
मसाला वेलदोडे - ४ नग
मिरे - २ चमचे
मेथी दाणे - १ चमचा
तमाल पात्र - ६ पाने
खडा हिंग (हिरा हिंग) - चिंचोक्याइतका खडा

मीठ, तेल, तिखट (किंवा लाल मिरच्या; शक्यतो तिखट बरं), हळद

गोडा मसाला रेसिपी - कृती:

तीळ भाजावेत. सुक्या खोबऱ्याचा कीस भाजावा. वेगवेगळा भाजावा. करपवू नये.
बाकीचं साहित्य तेलात परतायचं आहे. एकत्र परतू नये. वेगवेगळं परतावं.
उरलेलं प्रत्येक साहित्य (जिऱ्यापासून तमालपत्रापर्यंत, धणे सर्वात शेवट) तेलात वेगवेगळं परतावं.
प्रत्येक गोष्ट ग्राईंडरमधून बारीक वाटायची आहे. वेगवेगळी वाटावी. एकत्र वाटू नये.
सर्वप्रथम तीळ बारीक करावेत.
यानंतर एका कढईत तेल घेऊन मोहरी, हिंग, हळदीची फोडणी करा. गॅस बंद करून मग तिखट घाला.
नंतर सर्व जिन्नसांची केलेली पूड घालून एकत्र ढवळा.
परत एकदा हलकेच मिक्सरमधून काढा म्हणजे नीट मिळून येईल.

या तयार मसाल्याला थोडा मीठ चोळलं कि भरपूर टिकतो. हवाबंद डब्यात भरावा म्हणजे वास टिकून राहतो.

Click below to read the recipe in english-
Maharashtrian Goda masala in english

चविष्ट