आंबेहळदीचे-ओल्याहळदीचे लोणचे / आंबेहळदीची ओल्या हळदीची चटणी / Ambe Halad Lonche chatani / Oli halad Lonche chatani

Tags: Ambe haldiche olya haladiche lonche lonache pickle achar recipe in marathi

ओल्या हळदीचे लोणचे साहित्य:

आंबेहळद - १/२ वाटी किस 
ओली हळद - १/२ वाटी किस 
मेथी दाणे - १० 

लिंबूरस मीठ तेल तिखट हिंग मोहरी 

आंबे हळदीच्या लोणच्याची रेसिपी :

हे रक्तशुद्धीकर आहे. 
आंबे हळद व ओली हळद स्वच्छ धुवून कोरडी करावी. त्यांची साले काढावीत. 
हळद स्वच्छ आणि कोरडी होणे महत्वाचे आहे नाहीतर लोणचं नीट होत नाही. 
त्यांचा एकत्रितपणे किस करावा. व त्यावर एका लिंबाचा रस आणि मीठ घालून सर्व कालवावे.
एका कढल्यात तेल घेऊन त्यात १०-१२ मेथी दाणे घालावेत, तळले गेले कि त्यातच मोहरी घालून तडतडू द्यावी. हिंग घालावा. हळदीचेच लोणचे असल्याने परत हळद घालण्याची गरज नाही. 
मगाशी केलेल्या हळदीच्या किसावर तिखट घालावे आणि न ढवळता तसेच राहू द्यावे. 
या तिखटावर फोडणी ओतावी आणि नीट ढवळावे. 
चवीला रुचकर लागणारे हे लोणचे पटकन होते,  दिसायलाही वेगळ्या रंगाचे दिसते. 
फ्रिजमधे भरपूर टिकते. 
काहीजणं अख्खी मेथी फोडणीत घालण्याऐवजी मेथीपूड घालतात. तसेही चालते.

Tags: Ambe haldiche olya haladiche lonche lonache pickle achar recipe in marathi