बटाट्याचे स्टफ्ड पॅटीस, Stuffed Aloo Tikki, Stuffed Potato Pattice

stuffed aloo tikki, batatyache stuffed pattice, stuffed potato pattice, batata patties patis, street food mumbai chat

साहित्य:

बटाट्याचे साधे पॅटीस बनवण्यासाठी लागणारे सर्व साहित्य↴
  बटाटे - ४ मध्यम
  लसूण आलं लिंबू
  कोथिंबीर
  तिखट, मीठ, हिंग, हळद, धणेजिरे पावडर

  ब्रेडक्रम्स / तांदुळाची पिठी / कॉर्नफ्लोर / ब्रेडचे स्लाइस - यांपैकी काहीतरी एक
  बारीक रवा - २ मोठे चमचे
सारणासाठी खोबरं कोथिंबिरीची चटणी 

कृती:

• बटाटे मऊ उकडावेत व साले काढून मॅश करावेत. 
• ग्राईंडरमधून आलं-लसूण-जिऱ्याची पेस्ट करावी.
• मॅश केलेल्या बटाट्यात ही पेस्ट, तिखट, मीठ, हिंग, हळद, धणेजिरे पावडर व लिंबू घालून हाताने नीट एकजीव करावे. 
• आधी हाताला तेल लावावे आणि एक एक भाग मिश्रण घेऊन त्यात वरील पैकी एक गोष्ट मिसळून गोल चापट आकार द्यावा.

सारणाची कृती: 

• पोस्ट मध्ये दिल्या प्रमाणे खोबरं कोथिंबिरीची चटणी करावी. मात्र त्यात पाणी अजिबात घालू नये.  म्हणजेच फक्त आलं+लसूण+मिरच्या+ओलं खोबरं+मीठ+जिरं+कोथिंबीर वाटून घ्यावे. 
• तीळकूट सारण म्हणून वापरता येईल. रंग चांगला दिसतो आणि चविष्ट लागते. 
• झटपट लसूण चटणी वापरून स्टफ करता येते. 
• कोरडी लसूण चटणीचे स्टफिंग करता येईल. 

पॅटीसची कृती:

• मगाशी केलेल्या त्या चपट्या गोळ्यांमधे वरील पैकी कोणतेही एक सारण भरावे. आणि हाताने गोल वळवत हलकासा दाब देऊन परत चपटे करावे. 
• हे गोळे बारीक रव्यात घोळवावेत. पसरट तव्यावर किंवा फ्रायपॅनमध्ये शॅलोफ्राय करावे. 
• आधी पॅनला तेल लावून पॅटीस ठेवावे. जरा वेळाने उलटवावे. बारीक रव्यामुळे क्रिस्पी सोनेरी होते.

मिश्रणाच्या चपट्या गोळ्यांचा आकार नीट व्हावा यासाठी ब्रेडक्रम्स / तांदुळाची पिठी / कॉर्नफ्लोर यापैकी कोणतीही एक गोष्ट लागते. पण जर यापैकी काहीच न घालताही आकार नीट गोल होत असेल व चिकटत नसेल तर घालू नये. 
खजुराच्या चटणीसोबत व तिखट चटणीसोबत खावे.

stuffed pattice opened

Stuffed pattice