मेथीचे वरण, पालकाचे वरण, मेथीची आमटी, पालकाची आमटी, डाळमेथी Methichi aamti, Palakachi amati,fenugreek curry spinach curry

fenugreek curry, dalmethi, methichi amati aamti dalbhaji recipe in marathi

साध्या आमटीत बदल म्हणून ही आमटी करता येईल. कोणतीही पालेभाजी चालेल. 

मेथीच्या वरणाचे साहित्य:

१ वाटी तुरीच्या डाळीचे वरण - घट्टसर 

१ वाटी निवडलेली मेथी - जास्तही चालेल 

किंवा 

१ वाटी निवडलेला पालक 

५-६ नसून पाकळ्या 

भिजवलेले शेंगदाणे 

१ कांदा किंवा कांद्याची पात - ऐच्छिक; नसल्यास हरकत नाही 

हिरव्या मिरच्या, गोड मसाला, गूळ, 

चिंच किंवा कोकम (आमसूल) किंवा लिंबूरस 

नेहमीच्या फोडणीचे साहित्य 

डाळमेथीची कृती:

• तुरीच्या डाळीचे घट्ट वरण करावे. 
• निवडलेल्या मेथीची पाने धुवून बारीक चिरावीत. 
• कढईत किंवा पातेल्यात फोडणीस तेल घ्यावे. त्यात मोहरी, जिरं, मिरचीचे तुकडे, शेंगदाणे घालावेत. आलं-लसूण पेस्ट घालावी; किंवा लसणीच्या ४-५ पाकळ्या ठेचून घालाव्यात. 
• आवडत असेल तर बारीक चिरलेला कांदा किंवा पात घालावी. थोडे परतल्यावर हिंग हळद घालावे. 
• बारीक चिरलेली मेथी घालूनि व्यवस्थित परतल्यावर वरण घालावे व ढवळावे. 
• बसेल इतपत पाणी, मीठ, गोडा मसाला, गूळ घालावा. धणेजिरे पूड घालावी. 
• आंबटपणासाठी लिंबूरस किंवा ३ आमसुले किंवा चिंचेचा कोळ घालावा. वरून लसणीच्या १-२ पाकळ्या ठेचून घातल्या तरी चालेल. 
• नीट उकळू द्यावे. 

थोडे जास्तीचे 

काहीजण या तयार मेथीच्या आमटीवर खाते वेळी परत एकदा वरून जिरं हिंग तिखटाची फोडणी घालतात. तेल जास्त जाते पोटात; पण चव छान येते.

याच प्रकारे पालकाचीही आमटी करू शकतो. 

तुरीची डाळ व चिरलेला पालक किंवा मेथी आणि शेंगदाणे एकाच भांड्यात कुकरमध्ये शिजवल्यास वेळ आणि तेल दोन्ही कमी लागते. २ लसूण पाकळ्या त्यांचबरोबर टाकाव्या. 

ही आमटी भाकरी भात बरोबर द्यावी. 

Tags:fenugreek curry, dalmethi, methichi amati aamti dalbhaji recipe in marathi