उपवासाची दाण्याची आमटी, Danyachya kutachi amati for fast

upwasachi danyachi amati shengdanyachi amti shengdanyachya kutachi aamati

आंबट गोड चवीची दाण्याची आमटी उपवासाला भगरीबरोबर म्हणजेच वरी तांदुळाच्या भातासोबत खातात. 

साहित्य:

दाण्याचे कूट - अर्धी वाटी 
तिखट, मीठ 
पाणी 
चिंच किंवा आमसुले 
गूळ - चिंचेइतका
फोडणीसाठी तूप, जिरे  

कृती:

• ग्राइंडरमधे दाण्याचे कूट, जिरं, तिखट यांची घालून पातळ पेस्ट करायची. 
• पातेल्यात तूप गरम करून जिऱ्याची फोडणी द्यावी. मिरच्यांची गरज नाही. 
• केलेली पेस्ट फोडणीत टाकून पटापट ढवळावे आणि पाणी घालावे. 
• चिंचेचा कोळ करून घालावा. किंवा आमसुले वापरायची असतील तर तशीच १०-१२ आमसुले टाकावी. 
• आमसुलांपेक्षा कोकम आगळ वापरलं तर रंग छान येतो. एक चमचा पुरे होतं. 
• मीठ आणि गूळ घालावा. 
• भरपूर उकळावी ही आमटी. पण उकळताना ढवळत राहावे. पटकन उतू जाते. 

कृती २:

• दाण्याचे कूट, जिरं, तिखट यांची पातळ पेस्ट थोडे अजून पाणी घालून गॅसवर उकळत ठेवावी.
• त्यात मीठ, गूळ घालावा. चिंचेचा कोळ किंवा आमसुले किंवा कोकम आगळ घालावे. 
• एका कढल्यात तूप जिऱ्याची फोडणी करावी. 
• उकळून एकजीव झाले की हि फोडणी त्यावर टाकून थोडे अजून उकळावे. 

अगदीच वेळ कमी असेल तर सध्या पाण्यात दाण्याचे कूट, जिरं, तिखट पेस्ट न करता घालावे. आणि वरील पैकी एका पद्धतीने उपासाची दाण्याची आमटी करावी. 

Upvasachi amati