चाकवताची पातळ भाजी, चाकवताची कढी, ताकातील चाकवत

chakawat sabji chakavat bhaji recipe in marathi

चाकवत भाजी साहित्य:

चाकवत - १ जुडी 

ताजे ताक - ५ वाट्या 

हिरव्या मिरच्या - ३-४

लसूण पाकळ्या - ४-५

ओल्या किंवा सुक्या खोबऱ्याचे पातळ काप 

बेसन - १ टेबलस्पून 

भिजवलेले शेंगदाणे किंवा चणाडाळ - १/४ वाटी 

गोडा मसाला, फोडणीचे सामान, आलं, कढीपत्ता 

ताक चाकवत कृती:

• चाकवताची पाने निवडून चांगी धुवून बारीक चिरावी. आवडीप्रमाणे शेंगदाणे किंवा चण्याची डाळ आधी पाण्यात भिजत ठेवावी. खोबऱ्याचे पातळ काप करून ठेवावे. 
• पातेल्यात नेहमीची फोडणी करून त्यात कढीपत्ता, लसूण आणि मिरच्या घालाव्या. भिजवलेले दाणे किंवा डाळ, आणि खोबऱ्याचे काप घालून परतल्यावर चिरलेला चाकवत घालावा. 
• व्यवस्थित परतून झाकण ठेवावे. झाकणावर जरा पाणीही ठेवून वाफेवर शिजवावा. चाकवत शिजायला ३-४ मिनिटेच लागतात. 
• तो पर्यंत ताजे ताक घेऊन त्यात किसलेलं आलं, चिमूटभर साखर, भाजीच्या अंदाजाने मीठ, एखादी लसूण पाकळी ठेचून घालावी. 
• ताकाला बेसन लावून ठेवावे. कॉर्नफ्लोअर लावले तरी चालेल. 
• झाकण काढून शिजलेला चाकवत चांगला घोटून घ्यावा. त्यात ताकाचे मिश्रण आणि गोडा मसाला घालावा. 
• उकळून एकजीव करावे. Hand-mixer किंवा रवी वापरून ताक आणि चाकवत एकजीव पटकन होतो. 
• दुसऱ्या कढल्यात तेल+जिरं+ठेचलेली लसूण+हिंग यांची फोडणी करावी व ती भाजीला वरतून द्यावी. 
• अजून एखादी उकळी आणून खाली उतरवावे.