ओल्या खोबऱ्याची झटपट लसूण चटणी Quick Instant Garlic Chutney

Lasanichi chatani lasnichi chatni Garlic chutney lasun chatani recipe in marathi

Instant garlic chatni

ओल्या खोबऱ्याची लसूण चटणी अगदी दोन मिनिटांत होते. लसूण चटणी ओल्या खोबऱ्याची आणि सुक्या खोबऱ्याची अशी २ प्रकारे करता येते. 
सुक्या खोबऱ्याची चटणी कितीही दिवस टिकते. ही चटणी ओलं खोबरं असल्याने २-३ दिवसच टिकते. 

लसणीच्या चटणीचे साहित्य:

ओलं खोबरं अर्धी वाटी 
लसूण पाकळ्या ७-८
तिखट, मीठ 

लसूण चटणी कशी करावी - कृती:

• ही चटणी खलबत्त्यातच करावी. ग्राईंडरमधे नीट चव येत नाही. 
• लसूण पाकळ्या ठेचून घ्याव्यात. त्यातच ओलं खोबरं, तिखट आणि मीठ घालून भरपूर कुटावे. 
• कुटून कुटून मिश्रण एकजीव झालं पाहिजे. तिखटाचा लाल रंग आणि खोबऱ्याचा पांढरा रंग एकत्र होऊन या चटणीला हलकासा गुलाबी रंग येतो. खूप सुंदर दिसते. चविष्ट लागते. 

ओलं खोबरं असल्यामुळे ही चटणी जास्त ठेवता येत नाही. दरवेळी ताजी करावी. उरली तर फ्रिजमधे झाकून ठेवावी. लसणीची टिकाऊ चटणी सुक्या खोबऱ्याची असते.