हिरव्या मिरचीचा ठेचा,

mirchicha thecha hirvya mirchyncha thecha green chilli thecha chatni chutney

साहित्य: 

हिरव्या मिरच्या १०-१५
लसूण पाकळ्या ७-८
जिरं मीठ लिंबू 
फोडणीचं साहित्य 

कृती:

• हिरव्या मिरच्या धुवून देठे काढून घ्या. मिरच्यांच्या बिया काढल्याने तिखटपणा थोडा कमी होतो. म्हणून ज्याला कमी तिखट हवे आहे त्यांनी बिया जराश्या काढाव्यात. 
• मिरच्यांचे तुकडे करून ग्राइंडरमध्ये लसूण, जिरं आणि मीठ घालून अगदी बारीक वाटून घ्या. 
• या मिश्रणावर लिंबू पिळा. 
• तेल+मोहरी+हिंग फोडणी करून ती ठेच्यावर ओता आणि नीट ढवळून घ्या. 

फक्त मिरच्यांचीच चटणी असली तरी मीठ लिंबू तेलामुळे इतकी तिखट लागत नाही. रंगही छान येतो. गरम भाकरीसोबत खाता येते. ही चटणी ४-५ दिवस टिकते. 

पोळ्या करून झाल्यावर तव्यावर थोड्या तेलात मिरच्या नुसत्या भाजून त्यांचा असाच ठेचा करता येतो.