मटार उसळ, Green peas simple veg

matar usal, hirvya vatanyachi usal, matarchi bhaji

वेळ - १५ मिनिटे 

साहित्य:

मटार दाणे - २ वाट्या 
काळा मसाला 
हिरव्या मिरच्या, आलं 
ओलं खोबरं, कोथिंबीर, जिरं 

मटार उसळ कशी करावी -कृती:

• मटार वाफवून घ्यावेत. शक्यतो राईस कुकर वापरावा. प्रेशर कुकर मध्ये लगदा होतो. मायक्रोवेव्ह मध्ये १ मिनिटांत झटकन शिजतात. उकळत्या पाण्यात ५ मिनिटे उकळवत ठेवले तरी शिजतात. 
• मटार शिजवताना लोणी चोळून घ्यावे. किंवा चिमूटभर सोडा घालावा. त्यामुळे हिरवा रंग टिकतो. 
• उकडलेले मटार गार होईस्तोवर हिरव्या मिरच्या, आलं, जिरं, ओलं खोबरं आणि कोथिंबीर ग्राइंड करून बारीक वाटण करावे. आवडी प्रमाणे लसणीच्या २-३ पाकळ्या टाकता येतील. 
• हे वाटण कोमट झालेल्या मटार दाण्यांना हलक्या हाताने लावावे. 
• नेहमीची तेल+मोहरी+जिरे+हिंग+हळदीची फोडणी करून त्यात हे मटार आणि काळा मसाला घालावा. 
• अर्धी वाटी पाणी घालावे. ह्या उसळीला अगदी थोडा रस चांगला वाटतो. 
• शिजल्यावर मीठ आणि लिंबूरस घालून चव वाढवावी. 

कांदा-लसूण मसाला किंवा उसळ मसाला घालूनही चविष्ट लागते.