भरली मिरची, स्टफ्ड मिरची, Stuffed Mirchi, Bhavnagri mirchi

bhavnagari mirchi recipe in marathi stuffed chili bharli mirchi bhrwa mirch 

हलक्या हिरव्या रंगाच्या आकाराने मोठ्या अशा भावनगरी मिरच्या बाजारात मिळतात. त्या तिखट नसतात. 

५-७ मिनिटांत तयार होतात. 

साहित्य:

भावनगरी मिरच्या - माणशी २

दाण्याचे कूट

ओलं खोबरं - ऐच्छिक 

तिखट, मीठ, हिंग, हळद, धणेजिरे पावडर 

लसूण - एका मिरचीस २ पाकळ्या या प्रमाणे 

गरम मसाला किंवा पावभाजी मसाला 

कोथिंबीर 

कृती:

• मिरच्या धुवून कोरड्या कराव्या. सुरीने देठापासून टोकापर्यंत मधोमध उभी चीर दयावी. दोन तुकडे करू नये. चीरेतून बोटाने बिया आत ढकलून सारणासाठी थोडी जागा करावी. 
• या मिरच्या तिखट नसतात त्यामुळे बिया काढण्याची गरज नाही. 
• लसूण ठेचून घ्यावी. 
• दाण्याचं कूट, तिखट, मीठ, हिंग, हळद, धणेजिरे पावडर, बारीक चिरून कोथिंबीर आणि ठेचलेली लसूण एकत्र करावे. गरम मसाला किंवा पावभाजीचा मसाला घालावा. आणि खूप मळून एकजीव मिश्रण करावे.
• कांदा-लसूण मसाला घालूनही चविष्ट लागते.  
• पावभाजी मसाला घातल्यास लिंबाची गरज नाही कारण त्यात आमचूर पावडर असते. गरम मसाला घातला असेल तर अगदी किंचित लिंबू पिळल्यासारखे करावे. अगदी आंबट नको. 
• हे सारण मिरच्यांच्या चिरेत भरावे. पूर्ण भरले गेले पाहिजे. 
• फ्राय पॅन वर जराश्या तेलात नेहमीची मोहरी हिंग हळदीची फोडणी करून मिरच्या त्यात शॅलो फ्राय कराव्यात. उलथन्याने उलट सुलट करून दोन्ही बाजूने भाजाव्या. झाकण ठेवावे. 
• पटकन शिजतात. ओव्हनमध्ये ग्रिल करूनही बनवू शकतो. 

ह्या भरलेल्या मिरच्या भाकरी किंवा खिचडीसोबत मस्त लागतात.